St. Gallen, Stiftsbibliothek Cod. 560 (A), p. 374St. Gallen, Stiftsbibliothek Cod. 560 (A), p. 374St. Gallen, Stiftsbibliothek Cod. 560 (A), p. 374 INCIPITw PROLOGVS HERIMANNI x CĘNOBITĘ SANCTI GALLI DE VITA SANCTĘ VVIBORADĘ VIRGINIS ATQUEy MARTYRIS CHRISTI

p. 375 SOLET PLERUMQUE MODERNIS SCRIptoribus a patribus uitio deputari · traditiones antiquorum scriptis uel factis ab eis mutari · ea uidelicet obiectione · quod quasi illorum uirtutibus calcatis · suis nihil probabilius uelint estimari · Sed eorum reuerendam canitiem ab huiusmodi suspicione oportet alienam conspici · quicquam ab eis reprehendi · non quia crasse composip. 376tum inlepideque putetur · sed quia nuper ·

Cum enim legerim aliquem priorum deum orasse · quo dignaretur alicuius spiritum suscitare · qui uirginem suam wiboradam tot uirtutibus decoram uenustiori stilo faceret saporam · quid dicam posteros optasse · cum aliqui eorum si temporalis uitae dilatio illorum uotis responderet hoc opus uoluissent adtemp. 377ptare · tamen numquam in animum duxi quid tale aggredi · tum considerans rusticitatem mei ingenii · tum ne putarer meo studio mihi ad fauorem patrum negligentiam uelle denotare · hęc denotatio duobus modis euenire solet · cum uel quilibet arrogans iniussus presumit suscitare Horat., Ars poet. 359 dormitantema homerum · Servius, In Virgilii Aen. I praef.uel cum tucca et uario quis oboediens preuento morte uirgilio tantum superflua studet · precidere · Ad illud prouocat arrogantia · ad istud cogit oboedientia · Oboedientia ut nostis karissimi nobis est necessaria · si perfecte libertatis cupimus adipisci p. 378 compendia · hęc enim quamuis I Pt 2,13omni humanę creaturę ut apostolus hortatur · sit exhibenda propter deum · specialius tamen ad illos respicit · sub quorum regimine in cęnobiis degentes · districto iudici rationem de nostris excessibus reddituros pro certo scimus · illorumque excusationem · nostram fore damnationem ·

Ad quod regimen tu uenerabilis pater ǒdalrice · anno millesimo septuagesimo secundo incarnationis domini eius mira dispensatione uocatus · cum bonę memorię abbatis tui nortperti · tunc triginta et octo annis super ouile p. 379 sancti GALLI uigilantis · non solum amabili praeceptione · uerum etiam communi fratrum electione successor effectus · prout complacuit tuae paternitati onus iniunxisti · quod prius exhorrui imponere meę paruitati · nempe ut uitam memoratę uirginis · interdum propter diuersorum simplicitatem scriptorum · superfluitate uerborum quasi quibusdam foliis exuberantem · falce strictioris eloquii praecidere studerem · At ego quamquam in hac oboedientia me scirem onus importabile debilibus aptare humeris · tamen non cf. Ps 63,4exacui linguam uerbis p. 380 contradictionis · eligens mihi satius esse sub praeceptorum tuorum fasce deficere · quam eis repugnando titulum inoboedientię incurrere · Priscian., epist. ad Iulianum 3, ed. Keil, Grammatici latini t. 2, p. 2Exemplum etiam cum grammatico proponere placuit · ne pigeat alios etiam a me · uel ignorantia forte pretermissa · uel uitiose dicta · nihil enim ex omni parte perfectum in humanis credo esse inuentionibus posse · sua quoque industria uel addere uel mutare · Sed antequam mihi alligatum onus ad aptandum moueam · operę precium esse duco · breuiter in medium proferre · p. 381 per quos pręclara gesta huius uirginis posteris primitus innotuerint · ut cum aperietur me non huius relationis esse nouum auctorem · sed potius auctorum sequacem · nullus uitium falsitatis adnotet meę paginę · Tempore igitur quo uenerabilis gralo congregationem sancti Galli rexit · fuit in ea quidam frater nomine ekkehardus · uir totus ex sapientia uirtutibusque factus · Is cum quodam tempore ydrope ad extrema poene ductus esset · uouit beatae wiboradae omnia quę de eius sanctitate posset comperire literis se traditurum · si ei ad p. 382 presens dignaretur a deo aliquod impetrare remedium · O archiater in uirga et in baculo · o propagator tuorum sanctitatis electorum · ilico uenit ei in animum · ut sibi postularet afferri martyris cilicium · illudque super aqualenta extenderet membra · Quod cum factum fuisset · confestim sensit se aliquid melius habere · ac deindeb non multis diebus exactis · ad plenum conualuit · Tunc memor sponsionis suę · conuenit kebeni · quę beatę uirgini ab ipsis cunabulis usque ad mortis articulum obsecundauit · indicans ei quali uoto se obligauit · quodque sequenp. 383ti die ad eam uenturus foret · ut de hoc themate plenius ab ea informaretur · Que uehementer in uerbis eius admirans · non minus etiam coepit anxiari · quia ea de quibus interroganda erat · iam dudum letheus obsorbuerat morbus · Ad ultimum suasu cuiusdam sacerdotis ad tumbam dominę suę oratura prosternitur · ut cf. I, II, III Esr passimqui incensam a chaldeis legem per esdram uoluit reparare · ipse etiam martyris suae merita · quantum ad hominum memoriam abolita · per eam dignaretur declarare · Postquam huiuscemodi exaggerauit pręces · p. 384 surrexit · atque basilicam non minori anxietate egreditur quam etiam ingressa est · Erat enim ignara · quam in proximo esset eius consolatio · Nocte uero insequenti cum se sopori dedisset · uisum est ei locum orationis repetere · atque beatam uirginem pittacium aureis conscriptum literis sibi ostendere · hac uoce subiuncta · Utere cupitis · Mox expergefacta · omni fragilitate obliuionis propulsa · ita perfecte coepit memorię uiribus uti · ut luce reuersa · non solum nihil sollicita esset quid supradicto fratri responderet · uerum etiam ultronea fieret inuip. 385tatrix · eique desideratum thema · a primordio usque ad acceptum cum palma martyrii brauium promulgaret · Quod ille Virgil., Ecl. III 54imis reponens sensibus · cum feruenti opera recte proclamauit cum psalmista · Ps 55,12-13in me sunt deus uota tua · quę reddam laudationes tibi · quoniam eripuisti me de morte · Sed cum hęc uota ex parte redderet · heu dira morte praeuentus · multos sui propositi habuit hęredes · Qui quoniam diuersi diuersa sapiunt · interdum minus necessaria necessariis miscuerunt · Horum egoc insistens uestigiis · studui ea quę mihi digna memoria uidebantur · ad huius uirginis p. 386 sanctitatem comprobandam strictim colligere · non illis ad obprobrium · sed quod uerius est · pręcipue tibi ad oboediendum ut predictum est · pater reuerentissime ·

EXPLICIT PROLOGUS ·

w

Prologum omisit codex olim Salemitanus, nunc Heidelbergensis Sal. IX 21 (C)..↩

x

HEPIƆ-CANNI graecissando scripsit Herimannus in autographo Sangall. cod. 560 (A), quod scriptor codicis 564 (B) imitatus est; Hepidanni codex Vadianus 70 et Sangallensis 610 ↩

y

ET B.↩

z

Leuii A; leui, secunda i erasa B; leui Vad. 70, Sang. 610 et Basil. D.I.18 ↩

a

dormientem B.↩

b

dein B.↩

c

ex ergo corr.↩